بحبك بقلم عزه السيد
بحبك
وانت بتجري ف شرياني
ومطبوع ع اسمي
زي البصمه وفصيلة الدم
وحتى لو مفيش قسمه نبقي
لبعض مني ليك وعد
ان القلب قفلته وحصنته وقفلته
بمفتاح ملوش تاني
وحدفته ف اي بحر
عشان لاحد يدخل تاني اوطاني
ولا يروي روحي ووردي
بحبك
يالي خلتني احس الدنيا لون الورد
وخليت الحياه وردي
ومحستش انا ببردي
انا بسمع بحبك بس
من صوتك بحس اني
ملكت الكون وملكتك
وحاسه ان الحياه
أصبح ليها معني
وانادي اقول وحشني
الاقي قلبك بيسمعني
ويلبي الندا ع طول
قبل حتى ماندهلك
ولسه هقول
يا احلي من العسل
والشهد
بحبك والله حب
بجد
بحبك يا الي مني ليك
شهادة ميلاد وحياه
وإن القلب إلى طول
عمره عاش وتاه
ملقاش روحه وحياته
إلا معاه
وإن النبض بعد ماخف
مني وتاه
وقربت خلاص افارق
اي حياه
جتني ورجعت لقلبي
احلى نبض
دي بس والله من صوتك
وبعشق بردو انا سكوتك
يا نبض الروح
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.