إلى فضيلة الشيخ محمد حسان ومحبيه
بعد الهجوم الغير مبرر عليه أكتب هذا
بدافع من ضميري
أقول لمن يهاجمه :-
خاف الله
أمس كان الشيخ صديقك
كنت دايما تسعى ليه
إيده كانت ويا إيدك
خطوة خطوة وفزت بيه
في المحافل كان نصيرك
صوته كان الحسم فيه
كان بيعبر عن ضميرك
بالأمانة وصدق فيه
ولما فزت وكان مرادك
اتجاهلته --- هقول ناسيه
النهارده ليه خصيمك !
ليه تحاربه وتعاديه !
لاجل ممشاشي في طريق
كنت راسمه تاخده ليه
ولا خالف رأي منك
كنت فاكره هيجاريه
ولا وضح أمر غامض
كان مسار الشك فيه
ولا صرح باللي مخفي
واللي كنت بتداريه
يستحل البعض دمه
ويستبيح عرضه السفيه ؟!
اللي راح يطعن في دينه
واللي بيذم ف ماضيه
واللي بيحرم سماعه
واللي بيشجع آذيـــه
كأنه مجهول الهوية
وكل مصر ما تدرى بيه
ليه رموزنا صارت مسبة
وكل فاضل نزدريه
ليه نحطم كل قامة
الدنيا تحسدنا عليه
لما هانوا علينا --- ضعنا
وكنا أول مبتليه
قولي كام مليون خسرته
من مريدي الشيخ وليه ؟!
إيه جنيته وإيه كسبته ؟
نفسي أعرف قولي إيه
كل يوم عن يوم بتخسر
ولسه في ظنك نبيه !!
مش كفاية ضاع بإيدكم
اللي غيركم كان بانيه ...
واللي ضيع عمره لاجله
لاجل توصل وتراعيه
يا فضيلة شيخنا سامح
مهما كان الكدب جارح
هوا لولا النخل طارح
كانوا يرموا الطوب عليه !!
أحمد محمود عوض سعيد
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.