تاهت منى ضحكتى
وحلت بدلها دمعتى
صرختى جوه قلبى
مش لاقى حد يسمعنى
غير قلمى وكلمتى
واشكى لهم همى ويسمعونى
احكى لهم حكايتى ويفهمونى
دنا كل مانده على ضحكتى
تبص لى من بعيد وتقول لى
ماليش مكان عندك
كان زمان ياصاحبى
كنت صاحبى
نتقابل فى كل مكان
مين خدك منى ياانسان
مين نساك انك انسان
فين ايام زمان
لما كنا صحاب
فين الاحباب
شكلك عايش لوحدك
مع اغراب
مافيش حد جنبك
الا الحزن والالم
مفيش غير السطر والالم
تشكى لهم همك
اكتب وفضفض وقول
ياسنين عمرى
اللى ضاعت
يادمعتى اللى سالت
ياطريق طويل مشيته
وايام للاحزان اتباعت
يامشاعر حلوه
فى قلبى ماتت
ياليل طويل
ونحوم فيه ضاعت
ياعمر بيكبر
مع الاحزان
تاهت منى ضحكتى
وحلت بدلها دمعتى
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.