الْخُلَاصَة : بقلمى /أمجد محمد عبدالعزيز 💐💐
خِفّ إيِدَك عَن هُمُومُك
إِوْعَى تِطْلَعْ مِنْ هُدُومَك
بِالطَّرِيقَة قَضِى يُوْمَك
كُلُّه بِيعَدِى و هَيخْلَص
كُلُّهُمْ مِنْ الْهَمْ زَاغُوا
وِاللى شالو فُوْق دِمَاغُو
جَاتْلُو جَلْطَة جَايبَة دَاغُو
فَاشْتِرِى دْمَاغَك و خَلَّص
لِيه المِحَايلَة والمَنَاهْدَة
وَيَّا نَاس سَائقَة الْمِعَانْدَة
مَهْمَا تِعْمِل مِشْ هَتِرْضَى
فَاشْتِرِى دْمَاغَك و لَخَّص
بِالْكَلَامِ الْحِلْو طَيِّب
رُدْ قُول حَاضِرٍ وَ طَيَّب
الْبِعِيدْ يِصْبَحْ قُرَيِّب
وَالْوِحِشْ تِلَاقِيه كُوَيِّس
دُنْيَا مَاشِيَة بالْمِسَايسَة
بِالتَّأنِى و بِالْمِقَايَسَة
كُل حَاجَة فِيهَا جَايزَة
بِس عَايزَة وَادْ مِخَلَّصْ
قُصْرُه عِيش تِرْضِى اللى خَلْقَكْ
و أَحْمِدُه ع اللى انْقَسَمْلَك
تِلْقَى خُوْفَك رَاح و قَلَقَك
وَالْهُمُوم تِنْزَاحْ و تِخْلَص
بقلم /أمجد محمد عبدالعزيز
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.