كل العيون حكايات ............................. بقلم ........ عمر جميل

 كل العيون حكايات

.............................

الليلة ليلة الخميس

والكل فيها بحال

فيها الجمال والرضا

والناى بميت موال

وطيور تحلق فوق

وف ناس تجيك ع البال

فيها السهر ف عيون

حزن الفراق قتال

وعيون بتبكى بحرقة

ودموع بتشكى الحال

وعيون غلبها الهوى

بتقضي ليلها خيال

وعيون دبحها الملل

ودبحها يبقي الحال

وعيون نواحها الوحدة

والوحدة حمل جبال

وعيون ليلتها طويلة

تلقى الفرح دا محال

وعيون تجيب ضواحيها

مهو ع البيبان أقفال

وعيون شاغلها مراية

شعر العجز شغال

وعيون بتخفى كلام

لكن الحروف أحمال

وعيون تهز سرير

كان ع السرير اعمال

وعيون قتلها الشوق

والراحة ف الجوال

وعيون تحب وتعشق

وقصصها فيها جمال

الروح بتلقى الروح

والحضن فيها خيال

اوتاااااااار تهز الوتر

والعزف فيها بحال

كل العيون بتقول

والحال بيبقى الحال

...............................

تحياتى...بقلم عمر جميل

٣٣

٦ تعليقات

٥٠ مشاركة

أعجبني

تعليق

مشاركة