. حاجات قديمة # بقلميث # سولافا بسيوني

 #حاجات قديمة.

بقلمي#

سولافا بسيوني

.

بنده عليه

وهو داير

في المكان.

يلم في

حاجات م

القديمة

م البيوت

عند الجيران.

ياريت يسمع

يا ريت يفهم

ويجيب حاجات

كانت زمان

غالية علينا

وبين إيدينا

كانت محليه

المكان.

كانت زمان

فرحة وأمان

كانت حنان

واطمئنان.

كانت الدمعة

في عيونا

طرفه للعين

والسلام.

كان الحزن

مالوش مكان.

ياريت يسمع

ياريت يفهم

ويجيب حاجات

كانت زمان.

بيلم حاجات

م القديمة

كانت في يوم

ليها قيمة.

يمكن ألقى

لنفسي حكاية

أو جدي

ألقاله عصاية

كانت شايله

يوم خطاويه.

أو راديو

اتجمعوا

حواليه

يسمعوا غنوه

لثوما عليه

ولا ابتهال

قبل الأدان.

بصوت طوبار

يفهموا معانيه

بقولك ايه.....!

عمال تنده

حاجات قديمة

ما تجيب حاجة

م اللى كان.

هات اللمة

الحلوة ف بيتنا

وضحكايه من

القلب فاتتنا

بيها بنفرح

طول لمتنا

وما تسألش

ازاي أو ليه؟

هات من عندك

هات وادينا

طول الوقت

تنادي علينا

وانت معاك

أجمل معانينا

مبقتش تحن

ولا تجينا

ناسيه مكانا

ومين كان فيه.

قول للزمان

ارجع يا زمان

ما انت اخدت

أعز مالينا.

خدت حياتنا

و نور ليالينا.

كنت تسيب

لينا ولو ذكري

تفكرنا بريحة

أهالينا.

رجعنا من تاني

لزمان وما

تنساش ولا حد

فينا،لكن بقول....

وإنت بتلف وبتدور.

معاك الهالك

والمكسور

ابقى افتكر

هييجي ناس

ويسألوك

عنها بعدينا.

ما هى حاجه

أكيد مش

بإيدينا بنحن

ونشتاق

لماضينا .

عرض الرؤى

معدل وصول المنشور: ٢٦

٢اوجاع احمد وشخص آخر

تعليقان

أعجبني

تعليق