مالك يا قلبي مولع..........بقلمي محمود عجور

مالك يا قلبي مولع
يخرب بيته شو مدلع
شباكه قال مقفل
وتارك بابه اللي مخلع

سيبك يا قلبي وسبني
بالهوى شو معذبني
بشيله أنا من الماية
يغرقني والله بيرجع

محبوبي شايف حاله
وشو اللي غير أحواله
يومية بدق ابوابه
مفتاح الباب مضيع

بيسألني ليش ملبك
خايف مني وبحبك
رميته أنا بوردة
قصفني والله بمدفع

زرعته وردة بدربي
بحبه وانا ما بخبي
حابسني جوا ضلوعه
عامل قاضي ومشرع

مالك يا قلبي
بقلمي محمود عجور