النمرود
كورونا دخل عالدار
عبيقصر بالاعمار
ماعندو كبيرولا صغير
نازل فينا كالمنشار
كورونا ماعندوحدود
عكل العالم بدويسود
ختار كبير اومولود
كلو بنفس المعيار
كارونا ما عندو كبير
ماهمه ملك او امير
لاغني و لا فقير
الكل بنفس الاسعار
كورونا حكمه ماشي
لامرتشي ولا راشي
ما عندو ابدا واشي
لحاله بياخذ قرار
ماشي وريشو منفوش
مش آكل هم الجيوش
ولاصواريخ الباتريوث
ولاعسكرهم هالجرار
الواسطه عندو مابتجوز
ولادولار وذهب وكنوز
وعاكل العالم ضارب بوز
وسائد عا كل الاقطار
الشاعر
سعيد الحكيم
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.