اللي ع البال...بقلمي أبو عبد الله

اللي ع البال
بيقابل اهتمامي بيه بإهمال
بيعاملني كإنه مايعرفنيش
ودا مش شك ولا احتمال
دي حقيقة مش محتاجة لكلام
ولا زي ماقال كل دي اوهام
او اني انا بقى يتهيألي
وكلامي كله دا وحي خيال
عايزني اكدب احساسي
دا بقى دايما يجرح احساسي
بقى دايما يتهرب مني
وحاله معاي بقى اغرب حال
دا اتغير بقى واحد تاني
وف وقته مافيش ثانية عشاني
مابقاش هو اللي انا حبيته
وعملت عشانه كل محال

بقلمي
أبو عبد الله