ماليش ... غيرك
*****
ليه تبعينى بس وأنا شاريك
ماليش غيرك بالحب شريك
هات عينية تحضن عينيك
يالا نتصالح دا روحى فيك
من غيرك انا بالدنيا وحيد
تايه البال والفكر شريد
من غيرك ف الحب شهيد
لحد أمتى هتفضل بعيد
الهم والألم قدر ووعيد
دا انت جنة الدنيا أكيد
تعالى يالا روحى بناديك
أيدى بتحلم بلمسة أيديك
بحضنك الهنا العمر وليد
يوم ورا يوم تملى بيزيد
عمرى هيبدأ من جديد
نحقق فى جبنا الأمانى
يدوب حنانك فى حنانى
نمحى أحزانك وأحزانى
ألاقى بالوجود مكانى
تبقا أنت سكنى وعنوانى
لحد أمتى تظلم وتغيب
واحنا إللى للحب بنعيب
دا أنت الحب والحبيب
من غيرك بالوجود غريب
أمتى حضنك يبقا ليا نصيب
الشوق بقلى نار وساهم
مش عارف ببعدك أنام
النور فى عينية ظلام
هجرتنى خلاص الأحلام
قلبى كله لك شوق وهيام
أتساوت معايا كل الأيام
مليت الشكوى والكلام
دا الشهد فى بعدك مرار
الجنة من غيرك نار
ماليش الهنا والله أنصار
حضنك له سكن ودار
يا حبيبى الزمن مر ودار
بهجرك الوجود عليا جار
يالا يا حبيبى ليا عود
نحقق ف الحب كل الوعود
نحطم لجمعنا اي سدود
كفاية الدمع جرح الخدود
بحضنك تفتح كل الورود
عبيرها يعم كل الوجود
الهنا يعم مالوش حدود
بحضنك اللحظة عمر وخلود
*****
بقلم
عادل جاد
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.