أسبقني ياقلبي
أسبقني ياقلبي .. وأنا موافق
ادخل قلبها .. واكون عاشق
هتقدر قد ايه فيه تعيش
دقيقة وتاني .. هتفارق
أقولك لييه مفارق ليه
عشان قبلك سكنت انا فيه
ولو فكرت فيها مفيش
غير الشوك اللي راح تجنيه
أسبقني ليها .. خطوات
ياللي أجمل ما رأيت
وﻻحد بعدك مفيش
ياللي أنا ليها بوحت وحنيت
عاشقها وهيا عشقاني
ساكنها وهيا ساكناني
ومهما بعدت ماتخليش
لحد يكون لها مكاني
أسبقني ليها طب .. أسبق
هتعرف أن انا .. الأصدق
تمر سنين ومانستنيش
ولو تقدر فراق .. فررق
بقولك هيا حب العمر
ومهما حاولت مش هتضر
وبتحداك دي ما تسبنيش
عشان شوقنا بيملا البحر
أسبقني ياقلبي .. وأنا موافق
ادخل قلبها .. واكون عاشق
هتقدر قد ايه فيه تعيش
دقيقة وتاني .. هتفارق
خالد المنصوري/مصر
2/1/2020
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.