أحزان ملونه ..............بقلم .. صبري رسلان

أحزان ملونه
..................
هتقولي أيه
يا مرآيتي أيه
إنتي السبب ..
في اللي أنا فيه
عارفه حكايتي وساكته ليه
دوبتي وهمي في ألف لون
ورسمت بيه كحله فى عيون
شوفتيني أجمل
مما أكون
وغروري زاد
يملا له كون
ألوان كتير
ما تخصنيش
جوايا أييه
فاضي وما فيش
ضاع عمري مني في الغرور
وتاج أميرة وليل قصور
تجاعيدي باااااانت
ليل نهاااار
ومهما أداري لا جنه نار
ولا الف لون يروي فى بوار
وصحيت على
واقع مراااار
لا لقيت فيه قصر
ولا حتى داااار
غير عمري ضاع مني وجار
هتداري أيه يا مرآيتي أيه
ده لا كان في بالي
ولا شوفته ليه ..
كدبت عيني وصدقت أيه
صدقت وهم وعشت فيه
لميت غروري وعمري فات
وكسرت فيكي
نبضك ده مات
ما خلاص غسلت
الوهم دااااااب
رجعت لي نفسي
وغروري غااااااب
بقلم .. صبري رسلان