هذا الكلام مجرد هزار ليس اكثر
مع كامل احترامي وتقديري لجميع النساء
أجمل مخلوقات الله
النساء هن رحمة لنا
على كل حال انا كتبت وصيتي
********************************************
( الرجالة النكدية) كلمات /صبري حسين
قال ايه
شوفوا الوليه
بتقول الرجالة
نكدية
بالذمة
ده كلام يدخل العقلية
ايوة بعترف ان الستات عسلية
بس اكترهم مخه مهلبيه
دي حقيقة واضحة
مش محتاجة ماكبرة
عاىز كمان الصدمة
يا فلحوسة انتي وهي
عارفين معنى النكد
النكد كما جاء كتاب النكد والتنكيد
جاي من نكدت الولية على الرجل تنكيد
بذمتكم الرجال نكدية
طول اليوم هات يا ابو فلان النقدية
عايزين نطبخ فرخة
على شوية ملوخية
البيت عايزة طرحة وجلابية
الواد عايز مصاريف الجامعة
انا عايز اجيب لنفسي فستان وجزمة
هات ياراجل النقدية
يا مدلعنا ومعيشنا عيشة هنية
لو في يوم قال اجيب منين نقدية
تتحول الست الهادية
لامنا الغولة
انا مالي يا اخويا احنا عايزين نقدية
ادافع تلاقي ايام هنية
غير كدة هاخلي عشتك سوده
يا عالم يا هوه
فين جمعية الرفق بالرجال
انا مش متحمل هذا الحال
هلاقيها منك ولامن العيال
خلاص تعبت مش عارف اليمين من الشمال
قربت ادخل المرستان
ارحميني شوية ده انا عيان
بقى عقلي بتنجان
اضحكو يا جدعان
الولية ام عقل مهلبية
بتقول الرجالة نكدية
ده احنا خبتنا قوية
يا ستات يا عسلية
ارحمونا شوية
الحياة محتاجة معاونة
عاىز تفتح صفحة جديدة
احنا بنكمل بعض
عايزين نبعد عن النكد
نخلي حياتنا وردية
الكلمة الحلوة بتمنع الاذية
نتعامل مع بعض بمحبه
ياست يا عسلية
الرجل في ايدك عجينة طرية
عامليه با احترافية
هاتتخلصي من كل العصبية
تنسى ايام النكد
ترجعوا تعيشوا عيشة هنية
خليكي ست عصرية
سيبك من كلمة الرجالة نكدية
يا ستات ياعسلية
لكم مني الف تحية
صبري حسين
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.