خواطر صامتة
=========
صامتة ومش عارفه أقول دى الكلمة
اللى كانت مخصوصة ومرسومة عليك
ومش قادره أقطف وردة و أبعتها إليك
وردة فى فجرى تصبحلى عليك
ولا عندى القدرة أبعت همسة تقلك أشتقت إليك
حابسه الشوق وخانقه فى قلبى
عشان هما سبب غلبى وحنينى إليك
نفسى أصرخ والكون يسمعنى
اقول كلمة كانت يوميا مكتوبه لعينيك
لكن بالقسوة والبعد ليالى
كسرت الفرحة واللهفة اليك
بنام وأصحى وأنا بحلم أرجع أقول وأكتب
كل اللى أتعود قلبى وقلمى بيبوحلك بيه
وحشتنى الفرحة اللى كانت تغمرنى
لما اسمع صوتك بينادى عليا
فين أنتى ياقلبى سيبانى لمين
لكن بالقسوة والبعد ليالى
كسرت الفرحة واللهفة إليك .
بقلم / مها ندا
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.