اصحي ياقلبي
زي مافيه غروب
والله لابد من لحظه شروق
وزي مافيها قسوة احبة
والله مليانه برضو شوق
اصحي ياقلبي
والله ياطيري لازم تفوق
هي مش اخر واحده من الحريم
ولا هي جنة
ولا هي سنة
ولا هي فرض
هي يادوب سطرين ادب
ماهو لو كانوا علموها الادب
مكنتش خانت
مكنتش كانت
هو فيه عاقل
يرمي الشراره علي الحطب
احتمال يكون حرف وكتبته
واحتمال شعور جميل
غصب عني عاشني فعشته
ويمكن سراب
اكيد سراب
بعدمافكرت اني
لقيتني في لحظه نكرته
باختصار ياقلبي فوق
ياما نزلت قاع البحور
ياما نقشت حروفك
فوق الصخور
تغضب
تثور
تكتب وجع
في الاخر ترجع تروق
اصحي وفوق
واعتبرها اي لحظه
اتوجعت من كتر شوق
اعتبرها اي معني
حرف واتخلق مخنوق
اعتبرها طيف وعدي
حلم كان
واللي كان فات وعدي
اعتبرها موت مشاعر
وعشان انت في الاصل شاعر
استني بكره لسه جي
ياما في حروفك شروق
بس امانه
لو غلبتك الذكريات
اوعاك تنكش في اللي فات
واترحم عليها
واكتب بشوق
كان حرف مخنوق
كان حلم وقبل مايتولد
اعلنوا ايام حداده
اعلنوا انه مات
احمدعبدالحق
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.