( بحبك بحبك)كلمات/صبري حسين
حبيبتي
مني مستغربة
بتسألني
فين كتاباتك
فين كلامك
ده انت كنت سيل من المشاعر
كل يوم لك قصيدة
الصمت عندك حاجة
غريبة
مستحيلة
معقولة
مش عارف تعبر
ولا اللي جواك تصور
راحت فين كلماتك
هي فين فرشتك والوانك
بصيت
وسكت
بس من كلامها انفعلت
يا حبيتي
انا عايش اجمل مشاعر
بس عن الوصف مش قادر
كتبت كلام كتير
لكن كلام خطير
وصفت ادق التفاصيل
صورت كل الانفعال
كلام صعب يتقال
غصت جواك
عشت معاك
ركبنا اجنحة الحب
القلب حضن القلب
سكرنامن طعم الشفايف
قتلنا الخوف
خلاص مابقاش بنا كسوف
يا حبيتي
اللي جوايا صعب يتكتب علي السطور
نفس تبصي لعيني تكشفي المستور
انا يا حبيبتي
عديت كل الحدود
حطمت كل السدود
انتي يا قلبي
معايا في كل وقت
عايشك وعيشاني
سكنك وسكناني
يمكن تكوني عني بعيدة
لكنك اقرب لي من نفسي
بكلمك
بسمعك
بحس بلمسة ايدك
سامع همسك
شايف كسوفك
حاسس بخوفك
لما بضمك لصدري
واطبطب عليكي
واقولك بحبك ياعمري
بحبك يا نبض قلبي
خلي ايدك حاضنة ايدي
شوفي صورتك في عيني
بصي جوة قلبي
هاتلاقي قلبك ساكنه
مش يقدر يبعد عنه
حبيبتي
كلام كتير
مشاعر اكتر
نفسي عن اللي جوايا. اعبر
احساسي اكبر من كل الكلام
حبيبتي يا اجمل الاحلام
انتي لي كل الالهام
انتي معني الغرام
بحبك وحبك بيكبر مع الايام
ياحبيبتي
نفسي اقولك كلام كتير
نفسي عن نفسي اعبر
بحبك يا احلي من السكر
بحبك يا اجمل زهرة
بحبك النهاردة وبكرة
حبيبتي
بحبك
بحبك
لو فضلت اكتب كل الباقي من عمري
لا يمكن اقدر حقك اوفي
محتاج عمر علي عمري
وياليت يكفي
وصف حبي
حبك بيجري مع دمي
حبك فرحة عمري
بحبك يا حياتي
يا اقرب مني لي
بحبك وحبك هو الحياة
بحبك وفي حبك النجاة
بحبك
وان قل كلامي
بحبك
في صمتي
بحبك
يا نبض قلبي
بحبك
وهافضل احبك
بحبك
في بعدك
بحبك في قربك
بحبك بحبك بحبك
صبري حسين
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.