نجم الموسم
(خروف العيد)
/////////////////
نجم الموسم الجاي ........ بيبصلنا ازاي
بيبصلنا .. يا ناس .. بتعالي
علشان عارف .. سعره غالي
وبيتلكك. ............... وبيٓتّنك
كأنه بيدرس ... تعليم. عالي
......
وبيتشّرّط .............وبيختار
إنُّه ....... يوافق ع الجزار
وإنه يكون....... متغذي تمام
وإن الأكل.. يكون ....كافيار
......
وعشان يبقى كمان متكييف
عايز يطلع . (شٓرم). يصييف
عايز ... يحجز.. فيها شاليه
يا إما مزاجه يكون متأريًّف
......
وعشان عارف بقى ليه سعر
فيه ... بتغزل وأكتب. شعر
علشان . يرضى ويحن علينا
وعشان. مايحسش .. بالفقر
الشاعر / شرف الدين فاروق أحمد
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.