كلمه حق
يسقط يسقط الجهلاء
حتى ان كانوا م العلماء
لما الجهل يعم بلدنا
والعلماء عندنا بالكوم
يبقى السر بيخلق ازمه
طب علي مين حيكون اللوم
*كلمه حق ولازم اتكلم
يا اما العالم مش متعلم
و أما الشعب كسول ومبلم
لما الجهل يعم الناس
تلقى الكل خبير زرات
يغزل غزله برجل حمار
وم الفسيخ يعمل شربات
زى العالم ابو شهادات
اللى نصيبه م العلم فتات
منحه فى بعثه ومؤتمرات
ومقديها سفريات
عمره ما دخل المعمل..لكن
دائما ضيف ع الفضئيات
غاوى مناصب وبيتعاجب
وفى مكتبه حزمه شهادات
اما العالم لو متعلم
تلقاه زى نبى مرسل
عنده رساله خير للامه
لو على روحه لابد ح توصل
تلقاه ينشئ علم جديد
يدرس علم الغير ويكمل
مش متسول علم ال سيد
لازم نفطم بقى علمائنا
ويكون لينا علم وليد
ينهض بينا وبأمتنا
ويضيف لينا تمللى جديد
فات قرنين كات اول بعثه
ولسه فى درب العلم عبيد
د احنا زمان علمنا الدنيا
كنا حضاره وشعب عتيد
خرج العلم واخذ اناديله
لما بقىنا شعب بليد
اشعار *** محمود طنطاوى
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.