رباعيات سبارتكوس ملحوظة هامة:قبل قراءة هذه الرباعيات هل تصدق أنها كتبت منذ حوالي ثلاثين عاما تقريبا أيام الجامعة
1:أم العيال
..................
مادرتيش يام العيال
الدقيق راح يمنعوه
والدقيق لما حايغلي
الرغيف حايصغروه
واللي يفتح فينابقه
في السجون حايلقحوه
واللي يوم شفقم في حالته
يبقي لازم. يسجنوه
..................
2:ياللا نبكي
...............
ياللانبكي ياام حمدي
من قلوبنا كل عيد
مادام بلدنااليوم داأصبح
فيها عبد وفيهاسيد
هما ياكلواكباب وكفتة
واحناننحت في الحديد
بلاش تقولي عايزه لحمة
وانسي انه النهارده عيد
3:كيف راح اكل
......................
لمي. فرحك. يابهية
دا. الغلا. . عمال يزيد
كيف راح اكل كيف راح اشرب
كيف راح البس توب جديد
والمرتب. انتي. عارفة
لازم له حقنة في الوريد
لكن مادام الكل ساكت
يبقي. نستاهل. أكيد
4:العبارة
..........
العبارة. يا. أمارة
هي كوسة مش خيارة
والوزارة. اخر. شطارة
نازلة تدبح في الجزارة
والحجارة. هي. عارفة
مش بتنطق. . يا سمارة
ولو مانطقتشي ياسمسم
يبقي ميت مليون خسارة
5:اللي عنده فلوس
........................
خلي بالك يا ابو صبري
الزمن. بقي للوحوش
لو معاك القرش تسلك
لومعاكشي اوعي حوش
اللي عنده فلوس ياصاحبي
يعمل ايه للمامعاهوش
أنا أقولك :راح يقولك:
أشتري منك. كابوش
6:سبارتكوس
.................
والله ماحني راسي أبدا
مرة للي معاه فلوس
مش حاطاطي لحدواصل
مش حامد الإيد وأبوس
واسمحولي أخد بحقي
وأبقي مرة. سبارتكوس
واعذروني غصب عني
لازم. أبقي. سبارتكوس
لازم أبقي سبارتكوس
(ملحوظة:سبارتكوس هو محرر العبيد)
هل تصدق ان هذه القصيدة كتبت قبل ان يصل رغيف الخبز إلي خمسة قروش بحوال شهرين تقريبا
والغريب أنها تنطبق علي ما نعانيه اليوم سبحان الله
بقلم ....
عبدالنافع الهوى
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.