( ماتسبنيش وحدي تآني )
تهنيني بحبك كام يوم وتدوقني حلاوة قربك.
وعايزني أتحمل تاني ساعه واحده من ساعات بُعدك
وعشان بحبك وقلبي شاريك يصعب عليا يآحبيبي ظلمك
نسيت لما كنت اسهرك الليل كله تتكلم عن هواك واسمعك
وترجع.تسافر تاني وتسيبني أعاني ودموعي تودعك
مش هاين عليا غربتك واعمل إيه عشان ع اللي انت فيه ارجعك
إختار حبيبي وارحمني ياتاخدني معاك ياتنسي تآني غربتك
واحنا سوي في أي مكان هتهون علينا الغربه وقسوة الأيام
هنودع دمعنا ونطفى نار أشواقنا وننسي عذابنا وضنانا وأي أوهام
وزي ماتعاهدنا أنا وانت علي الحب والوفا زمآن
نتعاهد مانفارق بعضنا تاني ونحقق سوآ الأحلام
وكفايه دمع عنينا سنين عدت علينا آهات وأنين
لما تسافر وتعيش هناك وانا هنا قاتلني الشوق والحنين
وتوحشني اتمناك تجيني تشفي غليلي وتهنيني بقربك يومين
وانسي اللي عانيته من ليالي وانت عني يآحبيبي بعيد
اشواقي تسهرني ودموعي علي طول ملهاش مواعيد
علي طول واحشني والآاه مابتفارقني وهواك محيرني
وطيفك يقوللي بكره راجعلي وع البُعد كآن يصبرني
واليوم يفوت سنه وارجع تاني وشوقي ليك يسهرني
كرهت لحظات الوداع عشان منك حبيبي بتحرمني
وتعبت من سيرة السفر والغربه عشان عنك بتبعدني
خليك معايا وقريب مني ماتسبنيش وحدي تآني خدني معاك
ده العمر بنعيشه مره واحده يآحبيبي ليه تحرمني منك وتعذبني بهواك
خواطر(أشرف الدغيدي )
حقوق الملكية محفوظه
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.