أحلام عنترية ــــــــــــــــــــ الصافي أبو عمار

 أحلام عنترية

ــــــــــــــــــــــــــــ

يا حبيبتي يا صبيه

يا أم الأرض العفيَّه

راحوا فين المشربية

والبيشة و جلَّبيه

ورجال زي الجبال

ولا يوم تخشى النزال

وجمال فيها العيال

وخجل .. وعيون أبيه

يا بلدنا يا ألاجه

وبعقدة الخواجة

هزيتي وسط بنتك

ليه ليه يا بهية

ما تقولي .. ولسؤالي

جاوبي وردي خيالي

للسد أبو كعب عالي

منصور فيها القضية

و الكوسه هيا هيه

دا القرع من تلاهم

مد وضلل عليا

يا بلدنا يا صبية

يا بغاشه مهلبية

ياكلوها الغرب لكن

ولدك .. تاكل المنية

لو يوم بالحق يصرخ

مظلوم حيلته ولية

تلاقيه كالآف ينفخ

جلاد .. وبلطجية

يا بلادنا يا أماره

فيكي البيض والسماره

وكيف ندخل العمارة

والمحضر في التكيه

زاغر .. وبوسع كفه

سلم وسبني مكفي

يا وجعي زيد وصفي

أحزانا المدارية

يا حبيبتي يا صبية

عاشقك والعشق غيه

مها هـ يزيد اساك ي

هـ توفي لك عنيّه

ويزيد دايما غلاك ي

لما أتنفس شذاك ي

ب حيضان يرويها عرقي

لو خانك نبع ميه

يا حبيبتي يا صبيه

يا أم الأرض العفيه

حني دا القلب صافي

واحلامنا عنترية

ـــــــــــــــــــــــــــــــ

الصافي أبوعمار

عرض الرؤى

معدل وصول المنشور: ٤٣

١١