ناس وناس.......للشاعر / مصطفى فريد

ناس وناس
من ديوان/ البيت القديم
للشاعر / مصطفى فريد

فيه ناس قلوبها مسامحة
وكرمها طيبة نفس
تلقى المحبه فى كلامها
هاديه وصوتها همس
التقوى حاضته قلوبها
بتحسها باللمس
رقتها وقت المعامله
واضحة وضوح الشمس

وناس تانيه تلاقيها
ساكنها ميت عفريت
تلقى شيطانها فى غضبها
حولها عود كبريت
ولع فى حطب المحبه
ويقول ياريتنى ماجيت
ويوم ماتطلب هدايه
يعطس فى وشك زيت