بغبغان.......للشاعر/ مصطفى فريد

بغبغان
من ديوان/ بيحسدوك على إيه
للشاعر/ مصطفى فريد

بعت نفسك للشيطان
سيطروا عليك اللئام
عينوك مصاص لدم
شيلوك بالكدب هم
هدم وطنك
باسم دينك المزيف ٠٠٠
إللى كله ضلال ودم
كرهوك حتى فى سنينك
غيموا الدنيا فى رؤاك
شربوك جهلك بإيدك
والمولى حارس من أزاك
وعشان خفافيش الظلام
عشت لشيطانك إمام
هلفوت وبتردد كلام
بغبغان واخد وسام
فى الجهاله
والعماله
والخيانه
وقلب مصنوع من رخام
الحثالة غيروك
دمروك
وصلوك مشروع جبان
يبيع نفسه لمين يدفع
من الكارهين تراب وطنى
رموك فى سكة الأوهام
مابين داعش
وبين قاعدة
وبين واعظ
مالوش سجدة
وماقدرتش فى يوم تفهم
إللى يخون تراب وطنه
مصيره النار
والقاتل لخلق الله
بلا وازع ولا تفكير
من الملاعين ليوم الدين
إرهابى فى جهله سجين
كفر بالدين وباع نفسه
وباع بلده لعدو الدين