حبك همس....للشاعر / مصطفى فريد

حبك همس
من ديوان / ضى نهار
للشاعر / مصطفى فريد

على خد النهار مكتوب
حروف إسمك بلون الشمس
خيوط بتقول انا المحبوب
انا العاشق لحبك همس
أنا المرتاح على صدرك
ياعشق القلب بكره وأمس

أنا الخاطب سنين ودك
انا المشتاق حنين حضنك
ماهو انتى توأمة روحى
ونبض القلب من نبضك
يا أغلى من سنين عمرى
تهون الدنيا من بعدك

سنين بتفوت وراها سنين
وحبك فيا بزياده
يزيد جوايا شوق وحنين
يزرع قوة وإراده
يا قبلة حج للعاشقين
وسبحة نور وسجاده