من أوبريت ام الشهيد (بيت السناري بالسيده زينب)
رصاصة موت بقلم وليد الصفتي
رصاص الغدر لو طالني
عمره في يوم ما يقتلني
اموت ازاي يا امي
وانا العايش في قلبك حي
وحق مرارك الطافح
على جسدي اللي عاش كافح
لأفرق بكره من امبارح
وارسم فوق عيونك ضي
في وسط النار هخطيلك
واكون في الضلمه قنديلك
ولو دمعي ملأ نيلك
ولا يهمك
هدوس ع النار واغنيلك
واعزف لك م الوجع اشعار
واكون الفارس المغوار
شاهر سيفك البتار
في قلب عدوك الجاني
سياط الكبت الحاني
هعزفلك بيها اجمل نصر
واحارب م الضحى للعصر
وابات الليل اصليلك
وادعيلك
ما تبقي في مره مغلوبه
تبات عيوني مصلوبه
بتحرس ارضك الطاهره
ف وقت الشده هكون دهرك
ولو عمري يكون مهرك
هقدم نفسي ما اتاخر
ف تسبقني رصاصه موت
الآقي الجسم متبخر
رجعت بدمي متحني
رصاص الغدر اهو طالني
ثبات ف الرمش والنني
شهيد والنعش شايلني
وليد الصفتي
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.