أهم الاخبار

مجلة نداء الرؤح لفرسان الكلمات رئيسة مجلس الادارة الأستاذه نداء الرؤح )

الثلاثاء، 31 يوليو 2018

أغنية...أوهام بقلم الشاعر /علي الطاووس


أغنية...أوهام
أوهام في أوهام...
حبي الكبير اللي كان...
و قلبي بات فيه ولهان...
خونته و هجرته أنت...
ودي كانت هي منك كل الأفعال...
و من ناحيتي أنا...
حبي عليك هان...
بعته انت...
أشتريته أنا...
و غدرت بيا...
صونتك في قلبي...
فا جريت أنت ورا سراب...
و وقفت أنا...
أبكي علي الذكريات...
و علي صخرة الأحلام...
أصرخ و أنده...
علي مركب ألامال...
و علي حبيبي الغايب...
طلع صدي صوتي هباء...
لما شوفتك مع واحده تانيه...
و في نفس المكان...
مالهاش أي مقام...
و مش شايف أنت...
منها غير الجمال...
الجمال الخداع...
بكره يروح...
و ترجع ليا ندمان...
دنا و مشاعري و احساسي...
مستنينك هناك...
فى بحر الأمنيات...
مغرقه بدموعي كل المخدات... 
و طول ليلي...
سهرانه أنا علي الشابك...
أناجي طيفك اللي في السماء...
و مرسوم قدامي علي الحيطان...
دنا عايشه في عشق غالي...
في كل الليالي حتي الصباح...
أكتبلك في أشعار من بتوع زمان...
و إوزنها كمان...
لأجل ميعادي معاك...
علشان ينطق لساني...
و يقولك أحلى كلام...
و من فجري ونا بجري...
ألبس و أتذوقلك...
أجمل الثياب...
أحط أحمر لأجل القبلات...
لما أسيبك تذوق طعم الشفاه...
اللي مر غيابك...
كساها من غير كلام...
و أتخيل أتخيل...
هنا ح نقعد...
و هنا أنت ح تقولي...
بحبك بحبك بحبك يا ملاك...
و الضحكه ح تنور وشي...
من بعد الأحزان...
و عقلي حسسني...
بسعادة ده اللقاء...
و تقوم أنت و أخدني بألأحضان...
دنا ليلي نهاري...
وقفت لك عند الشباك...
أستنى في ده المعتاد...
و هو ايه مراد قلبي يا حبي...
غير حبيب نقي يدوملي...
أحسن من دي ألأحلام...
و أنا لسه واقفه علي...
صخرة ألاحلام...
أصرخ و انده...
علي مركب ألأمال...
أوهام في أوهام...
الحب الكبير اللي كان...
مع تحيات شاعر الوجدان الشاعر السكندري /علي الطاووس
 😢

ليست هناك تعليقات:

إرسال تعليق

ملحوظة: يمكن لأعضاء المدونة فقط إرسال تعليق.