ياللي ظلمت
000000000
ياللي ظلمت في خلق الله
وظلمك زاد وعدي مداه
ربك حرم الظلم عليه
وأنت مصمم تتحداه
ياللي ظلمت في خلق الله
.......
أظلم واملا حياتك كبر
ضيع حق وأرضى القهر
وبكرة هاتلقي اخرك قبر
مش هايفيدك صيت ولا جاه
ياللي ظلمت في خلق الله
......
ياللي ظلمك عدى وفاق
وعايش عمرك كله نفاق
تعمل إيه لو قبرك ضاق
وأنت بتظلم خلق الله
ياللي ظلمت في خلق الله
......
خاف الله دعوة مظلوم
وبايدك أصبح محروم
وكله عند الله معلوم
أعمل اللي عايز تلقاه
وأنت ضعيف ياحول الله
ياللي ظلمت في خلق الله
.....
الشاعر/ شرف الدين فاروق أحمد
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.