الشاعر حسن محمد خليل
أنا المنسي
ةةةةةةة
أنا المنسي
ومش عارف يومى من أمسي
وعلى الفقر مترسي
من سنين
انا المحروم من الراحة
والكلمة الحلوة بسماحة
أيامى كلها فضاحة
وقلبي حزين
انا الشقيان ومن صغرى
تعبت كتير طول عمرى
أدور على لقمة عيشي من بدرى
ومن الكادحين
أسف تراب وايه يعنى
هو حد عارفنى حيمنعنى
أدارى اى شي يوجعنى
وأبكى أنين
وعرقى على خدودى نازلين
اشيل حمول ومن الصابرين
الف شمال الف يمين
علشان اكل حبابي العين
انا الضائع فى بلاد الله
علشان لقمة يحول الله
بكلها بالف اه
يخدوها منى بالقوانين
أنا العايش ومش عايش
أنا الاصلى ومش غاشش
أنا العايش على الهامش
قوللى اكل منين
وكل ده وأنا راضى
سيبولى حتى رغيف فاضى
ارحمنى سيدى القاضى
عيالى نايمين جعانين
يامسؤلين ليه ناسينى
بالحياه ليه دفنينى
من الهوا ليه حرمنى
قوليلى أجيب منين
وكل ده وتقولى أصلاح
منا مت من الكفاح
بتعشي يوماتى جراح
وعيونى بغطى بيهم الصغيرين
فى حرامية غيرى خد منهم
ورجال أعمال بصلهم
ومتهربي الضرائب حاكمهم
لاكن انا كفيانى انين
حرام عليكم كفاية
أتعريت وكتبت النهاية
خلينى مدارى فى اساية
وراضى بفقرى ودمع العين
بجد بجد مش عارف اعيش
لان بجد بح مفيش
يادوبك حبة ملطيش
معيشنى طقة وبصوم الطقتين
المهندس حسن خليل
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.