من دم ولحم گلوب البشر
شبيهه إصبحت من حجر
لا طيبه بيها و لا رحم
وكروش تارسه الشحم
عينك عمت بيها رمد
شوفك قصير ومابتعد
مد شوفك وشوف الوضع
فوك الرصيف طفله وجع
لاسكن عدها ولا خبز
وجرح من ضيمه يبز
خفف ركوبك من تمر
وفتح عيونك عل الصور
صورة يتيم بلا ابو
ما يمشي بس يحبو حبو
وصورة فقير بلا نعل
حفيانه رجوله من الوحل
وذاك الذي ظهره نكسر
جادود بس گلبه نفطر
حس بالبرد وضيم الخيم
واطفال غركانه بوهم
أوگف تعال وشوف
كلشي بعد مكشوف
باله لبسوا من الفگر
وما خلصوا من اهل الكفر
طخم انته لابس ماركه
وراتبك تارس علاكه
حچيك شكثر وبلا نفع
دولارك بالبنك يرتفع
هلالك يهل كل اربعه
وفوگاه تصير مربعه
شكد انتو صرتو بهل بلد
عطلتكم صارت سبت واحد.....وعد العاني..
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.