كتبت ليا # بقلمي # سولا فابسيوني

 #كنت ليا.

بقلمي#سولافا بسيوني.

إنت كنت الدنيا ليا

نبض قلبي ونور عينيا

كنت بفرح وقت فرحك

واتوجع لو شوفت جرحك

كنت كافي كنت وافي

كنت لجراح قلبي شافي

كنت صوتي

لما يغلبني سكوتي.

كنت عايشه بيك حياتي

من بدايتي لنهاياتي

كنت سندي وكنت ضلي

كنت أخر شيء فضلي

كنت بتداري في جناحك

ميلالك وأكيد مايلي

كنت بيك كنت ليك

أكتر قلب كان شاريك

كنت بكمل بيك وراضية

والدنيا حوليا فاضية

إلا منك

كنت لسفينتي الشراع

وكل أمر ليك مطاع

لو تلمح في عينيا دمعة

كنت بتئيد ألف شمعة

لجل الضحكة ترجع تاني

والورد تجيبه علشاني

ينور وشي زي الشمس

وانت بتتكلم بالهمس

وتغزل توب الفرح أماني

كنت زماني

كنت ليا قلب صادق

كل كلمة منه عهد

كنت لمر عمري شهد

كنت بتطمنلي روحي

وأمانك كان ليا مهد

كنت بيك رافعة راسي

ماشية على حسك و صيتك

كنت بخاف انا من إحساسي

وادعيلك تفضل نور بيتك

كنت ليا وكنت ليك

كنت بيا وكنت بيك

كنت بشوف دنيتي في عينيك

كنت دايما بتكملني

وتملي عينيك بتكلمني

كنت جوا أحلامي فارس

كنت ملاك ولقلبي حارس

وكل حاجة فيا دارس.

كانت روحي دايبه فيك

كنت ليك.....

كنت ليا الكون بحاله

كنت بلقى فيك جماله

ونجومه وسحره وخياله

و أنهاره وشمسه وجباله

لو تطلب عمري أديك.

وأفديك.

كنت ليا وكنت ليك.

عرض الرؤى

معدل وصول المنشور: ٢٤

٢فهدالصحراء الجرئ ومحمد عزت

٤ تعليقات

أعجبني

تعليق