رغم القسوه اللي شايفها
اللي حاسسها في كلامك
رغم عندك
رغم صدك
رغم المشاعر
المستخبيه جوا قلبك
بتداري ليه عشق ماليك
هو يعني ممنوع تحسي
ولا يعني ممنوع احبك
تداري زي ماانت عاوزه
اقسي مرة
وحني مرة
ابعدي عني عيونك
مستحيل استغني عنك
قالوا زمان
يوم تعيشه بالف يوم
ويوم يعدي
ويوم متشوق ليوم
وليل ملبد غيوم
لحظه حب مسروقه
قشة تايهه وسط كوم
مش هتقوليلي يعني ايه
اني في حياتك كمالة
واني في الحقيقه
ماليش لزوم
مع اني احساسك ونبضك
مع اني الاحساس الوحيد
اللي ساكن جوا حرفك
مع اني الشريان والوريد
اللي بيجري في دمك
هتصدقيني لو قلتلك
كل يوم حاجه منا بتتسرق
احلام ومشاعر
واكمني انا شاعر
بحسك بكل حالاتي
مش بس بحسك عالورق
عاشق وخايف يموت
ويكفنوه بحروف سكوت
بحار عارف سكته
ديما بيهرب من الغرق
بحبك ايوه بحبك
والله حبك عدي صبري
تجاوز كل مفاهيم الورق
احمدعبدالحق
1/1/2021
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.