واحشتني للشاعر مصطفى فريد

 وحشتينى

من ديوان / قلم مجنون

للشاعر/ مصطفى فريد

واتقلب

وطول ليلى

تنام عينى

على المواويل

بصوت بيهز وجدانى

ويشجينى كما التراتيل

وينقل روحى للجنه

اللى جواك

ولساكى انت سهرانه

بتدعى لى

لجل ياغاليه ما اتهنى

وترقينى بكلام ربى

وقرآنه

تزغرد كل شرايينى

يا آية حب يوم فرحى

ووقت الحزن منديلى

يا فارده على إحساسك

مكفينى

مدفينى

وحشتينى

يا ماسحة من الخدود دمعة

يا قايدة فى قلبى ميت شمعة

تنور ضلمتى فى ليلى

يا فاتحة فى روحى شباكك

عشان يدخل رحيق عطرك

يهز القلب يوم عيدك

يا شجرة حب فواحة

بتفرش ضلة لولادك

وتتجدد مع الايام

مواعيدك

جمال الذكرى والبهجة

فى وقت ما قلبى باس إيدك

عرض الرؤى

معدل وصول المنشور: ٤١

٤صباح النرجس، سماح الحنفي وشخصان آخران

٩ تعليقات

أعجبني

تعليق