: ( مرة كده واهي مرة كده ) بقلمي الشاعر جمال زكي عينر

 ( مرة كده واهي مرة كده ) :

مرة كده واهي مرة كده

طول عمر الدنيا علاده وده

مرة تاخدنا الدنيا لفوق

ومرة بتنزل بينا لتحت

بعد الأزمة لا بد نفوق

كل اساس يلزم له الفحت

لو ضحكت دنيتنا علينا

نعمل انها ضحكت لينا

وان مرة اتعافت واتغابت

نعمل برضه احنا اللي علينا

الدنيا مرجيحه هزازة

مرة بتاخدك مرة تجيبك

ليه تتقوقع جوه ازازة

سيبك م اللي يضايقك سيبك

دنيتنا مالناش فيها خيرة

ياما عاش فيها خلق كتيرة

واهو راحوا مع ناس سبقوهم

ولا حد يجيب عنهم سيرة

كده او كده كلنا فايتينها

ومفيش حد هيفضل فيها

احسن حاجة نكون زاهدينها

ده محدش حيأبد فيها

نعمل بس احنا اللي علينا

نرضي الله علشان يرضينا

ونسلم امرنا للمولى

بركة ربنا راح تكفينا

بقلمي الشاعر جمال زكي عينر

عرض الرؤى

معدل وصول المنشور: ٤٣

٢دنيا سعد وشخص آخر

٣ تعليقات

أعجبني

تعليق