(( بتلومونى على إيه )) بقلم الشاعر الغنائى .. محمد البريمى

 شعر غنائى ..

(( بتلومونى على إيه ))
بتلومونى على إيه يا ناس .. بتلومونى على إيه ..

ع الحب اللى كوانى بناره .. ولا عذابى فيه ..

بتلومونى على سهر الليالى .. ولا على راحة بالى

لو تعرفوا إيه جرالى .. كنتوا تبكوا معايا عليه ..

بتلومونى على إيه ..

بتلومونى ليه من غير سبب .. هو يعنى الحب ليا حرام ..

علشان قابلت ف يوم حبيبى .. و حصل بينا شوق و غرام ..

إمال لو شوفتوا إبتسامته .. هتوهوا فيه من حلاوته ..

دا حبيبى من يوم عرفته .. مش عايز و الله كلام ..

بتلومونى على إيه ..

ما تلومنيش يا ناس بكفايه .. و سيبونى أعيش حياتى ..

دى اللحظه اللى أشوف حبيبى .. من أجمل لحظاتى ..

هو شمسى و قمرى و ضلى .. هو ف قلبى على طول تملى ..

بينسينى حبايبى و أهلى .. و يخلينى أعيد حساباتى ..

بتلومونى على إيه ..

بقلم الشاعر الغنائى ..
محمد البريمى ..