(( مابيش حظ )) بقلم الشاعر الغنائى .. محمد البريمى

 شعر غنائى ..

(( مابيش حظ ))

ماليش حظ معاكى يا دنيا .. حبه فوق و حبه تحت ..

معاندانى ف كل حاجه .. عمرى ف يوم م إرتحت

كل م أقرب منك خطوه .. تسبقينى بألف خطوه ..

كأنى بينى و بينك تار .. إحترت فيكى يا دنيا و تهت ..

ماليش حظ معاكى ..

ماحبيت حد ف دنيتى .. اللى خدعتنى ضحكته ..

يكلمنى ع الشوق و الحب .. و تانى يوم يغير ذمته ..

أهاديه بالورد يزيد ف البعد .. يوعدنى كام مره و يخلف ف الوعد

أنا حظي كده أعمل إيه .. م كنتش أعرف نيته ..

ماليش حظ معاكى ..

مستكتره ليه السعاده فيا ... هو أنا يادنيا شايفانى هفيه ..

تسعدى غيرى و تديله .. و تحرمينى أنا م الحنيه ..

شيلانى ليه من حساباتك .. قوليلى إيه طلباتك ..

عشان أنول رضاكى .. و أسامحك على أسوتك ليا ..

ماليش حظ معاكى ..

بقلم الشاعر الغنائى ..

محمد البريمى ..