.الرحمه. أشعار شريف توفيق

..الرحمه..

الرحمه يا خلق ..
الرحمه ياهووه..
راح فين الحق ..
ياريت تجبوه ..

زمن بطبعه قاسي ..
مات فيه إحساسي ..
أمتي لاقي خلاصي..
أرجوك ياريت تلاقوه ..

الرحمه يا خلق ..
الرحمه ياهوه..
راح فين الحق ..
ياريت تجبوه ..

فين الرقه والحنان ..
راحت في خبر كان ..
مشيت سابت المكان ..
قلبي ياريت تنصفوه ..

الرحمه يا خلق ..
الرحمه ياهوه..
راح فين الحق ..
ياريت تجبوه ..

الصغير بيهين كبيره ..
مايقولش كتر خيره ..
بكره هيشوف مصيره ..
يوم ماالملايكه يحسبوه ..

الرحمه يا خلق ..
الرحمه ياهوه..
راح فين الحق ..
ياريت تجبوه ..

أشعار
شريف توفيق
١-١١-٢٠٢٠م