بتحبـني رغم !
بتنساني
وبتعمل قــال !
مش فاكراني
وكلام الحب مدوبها
ومدوب روحي وكياني
وكتير ياما بوحنا لبعضينا
وكتبنا الحب باسامينا
وان جانا عزولنا بكام كلمه
الكلمة الحلوه بترضينا
تتجنن وتشد شعورها
اكمنها ملكه علي بحورها
تدلع بالعين والحاجب
وتقول لي امتى رح اهجرها
ادعي لها وقول لها استهدي
دا انا ياسر وابويا المهدي
من صغري بحبك وبريدك
ومواصل علي حبك وعدي
وابص علي رموشها الحلوه !
الاقيها تشاور بعينيها ....
وتقولي كلامك دا في غنوه !
تسمعها النجمه في لياليها
وان كان علي قلبي .. !
خلاص باعك
ونسيتك ..
ولا عدتش فاكره
ونست الدنيا اللي تساعك
وان كان علي حبك ..!
انا ناكره ..
يعني ابعد عني بلاش ترجع
راح اعرف قلبي انه ما يسمع
وان قلت بحبك من تاني
دا كلامك ولا عمره بينفع ....!
يااخونا حبيبتي بتهواني
ولا حدش يسمع لها كلمه
ان قالت نسيا لي حناني
بتخاف لو ابعد والنعمة
وبترجع ويعونها تدمع
وتقول من حبك مش بشبع
وارجع لها اوصف في جمالها
وعيونها الفرحانه بتلمع
وتعود السيرة من تاني
وبتعمل قال ايه نسياني
والقلب عليها بتحايل
وترد تقول مش فكراني
قربت يا ناس منها اتجنن
ولقلبها مين بس يحنن
انا روحي خلاص راحت مني
والقلب في حبها بيلون
ياسر مهدي عمرو
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.