نااااااس
.............
ناس في قلوبها بتخيط
برقعه توبها تتصيت
وناس في الفرح بتعيط
وناس في الزيطه بتزايط
ناس وسط الطريق ضلت
ناس واكله الحرام حلت
ناس من العز تتشكى
ناس عايشه على الفكه
ناس الضهر زي الوش
قلوب طاهره ما تعرف غش
ناس نوياها هد العش
وناس تبني بصافي الوش
ناس بالطيبه تأمينهم
ما ييجي الغدر غير منهم
ناس عشرتها عالغالي
وناس مناخيرها في العالي
ناس دامت محبتها
وناس تقرش في ملحتها
ناس على ناس بتتكلم
في وشك حاضنه وتسلم
في ضهرك طعنها معلم
ناس تتعوذ لجيتها
وناس تتمنى طليتها
ناس مستوره من روحها
وناس فورجه منين روحها
ناس بتداري شمعيتها
وناس نارها حرق بيتها
ناس بتوحد الدايم
وعارفه العمر مش دايم
بتعمل خير في دنيتها
عشان بصه لآخريتها ...
بقلم .. صبري رسلان
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.