ياحلم عمري المرسوم
*****************
ياحلم عمري المرسوم
بريشة الفنان
مسيره يتحقق في يوم
واقف أهتف في الميدان
بصوت الحق انصف المظلوم
واكتب علي الحيطان
الظلم عمره مايدوم
والعدل صفة الرحمن
الظلم زي الكدب
مشلول وبدون رجلين
والعدل ميزان الحق
عارف طريقه فين
الظلم مسيره يوم يعجز
وينتهي وبعدها يموت
وده حلم كل إنسان
والعدل عمره مايشيخ
ولا يعجز ولايموت
وديه حكمة الرحمن
ماتقولش ازاي وفين
حقك هيرجع
ولو بعد سنين
لأن العادل موجود
وشايفك وعارفك
وحاسس بالمظلومين
خلي توكالك علي ربك
وبلاش نغمة الميؤسين
ده العادل بيحبك
و لا بيغفل عنك
طرفة عين
وبكره تكتب حلمك
بقلم سنونه العدل
غالي والثمن حلم السنين
*****************************
كلمات بسيوني صديق
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.