في قلبك أوطاني
--------------
بقلمي - عادل عبد الرازق
-----------------------
في قلبك أوطاني
وبيتي وعنواني
ولمّا بتاخدني التوهة
بترجّعيني من تاني
في قلبك أوطاني
في قلبك كان ميلادي
كان زمني وكان ميعادي
كان أملي وكان مرادي
وبحري وأمواجي وشطآني
في قلبك أوطاني
وبيتي وعنواني
وفي قلبك أنا عشت حياتي
وحكيت في دروبه حكاياتي
ونسيت الماضي يا حياتي
ونسيت دمعي وأشجاني
في قلبك أوطاني
وبيتي وعنواني
أنا أسعد غنسان في الكون
وباحبك أكتر م الكون
واتمنى ف كونك إني أكون
أحلامك واخداني
في قلبك أوطاني
وبيتي وعنواني
ولمّا بتاخدني الغربة
عينيكي أحضاني
***
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.