،،،،أبن الأصول،،،،،،،،،،،إيمان السعيد،،،،،

                                                                           

من أمنك أوعي تخونه
حتي لو كنت خاين
كله بيرجع لأصوله
والأصل دايما باين

المتربي علي الحسني
دايما يحس بغيره
عمره يوم ما يأسي
ولا ينكر أبدا خيره
واللي ف طبعه حنين
ولا يوم ها يتغير
مهما ظلمته ما يبين
ويسامح من غير تفكير
وادي الأمين الحر
باين من خطوته
ولا يعرف ابدا مكر
مهما الظروف حدفته
اما الخاين الجبان
علي كل لون وشكل
يلف زي الثعبان
وياكل ف غيره اكل
أطبع يابن أدم
وأضحك علي نفسك
طبعك غالب وباين
من صوتك ومن نفسك
مهما داريت أصلك
شاهده عاليك أخلاقك
باين من عملك
حسنك و مساوءك
دارا العيوب بالورد
ورما عاليها العطور
وفاكر مفيش حد
شايف الجناح مكسور