السيد محمود
يا ساكن في قلبي
………………………………………
فيه حاجات كتير مابيني ومابينك..
مع حد غيرك ما شفتهاش
حاجات معاك بحسها ...
مع غير انت ما بحسهاش
احساسي في قربك انت
حبيبي ما يتوصفشي
نفسي عنه اعبر واقول...
لكن ما بعرفشي
كل حاجه باعيشها ....
معاك انت يا حبيبي غير
مهما اشوفها واعيشها ....
معاك انت بتفرق كتير
دا انا كل حاجه فيا...
فيك ياحبيبي دايبه
ولو غبت من أدام عنيا ....
كأن كل حاجه حلوه عني غايبه
دايما في بالي....
وعلي طول فيك بفكر
وشوقك في قلبي ...
عن يوم بيوم بيكبر
باتمني اعيش معاك.....
يا حبيبي العمر كله
واسكن في حضن قلبك ...
واحكيله عن حبي ليك واقولة
انك انت الحاجه الحلوه ....
اللي باشوفها بعنيا
انك انت اغلي عندي ....
ما في الحياه والدنيا ديا
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.