رباعيات الأحزان (( يا حزن ))
( للحزن في قلبي مكان )
سنين بتفوت
أحلام بتموت
والليل ملهوش
ابدا آخر
صراخ وسكوت
ضمير مكبوت
والهم ليه
خدنا وسافر
يا حزن مالك كدا
علي طول مبكينا
قلبي اللي داب وإنكوي
والخوف ملي عنينا
معدتش فينا حيل
صبر الحمول والشيل
يا غربنا رسينا
يا حزن تاهت مننا
أحلمنا وسننا
بنخاف نقابل بعضنا
نظرتنا تألمنا
ونشوف ملامح حلمنا
سراب بيتبخر
ونعيش نلملم حزننا
والصبر يتأخر
معدتش فينا حيل
فاضت حمول الكيل
يا غربنا رسينا
يا حزن ساكن قلبنا
ودموعنا في عنينا
يا حزن قاتل حلمنا
ايه بس في إيدينا
مافضلش باقي عندنا
غير ضحكة مسجونه
ما بين ملامح جرحنا
والفرحة مرفوضه
معدتش فينا حيل
ضرب الودع و الخيل
يا غربنا رسينا
كلمات الصدق
فارس الليل الحزين
محمد عطية محمد
28/2/2018
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.