اللى ما تحتاج لوشه
ييجى يوم تحتاج قفاه
واللى فرحان بغشه
بكره يعرف مبتغاه
واللى فات أهله وناسه
بكره نسمع منه أه
بعد ما الحظ داسه
ابن عمه إحتاج قفاه
دا الشجر يطول و يعلى
جزره برضه يذيد معاه
والبشر تزيد و تعلى
تنسى من ساعد علاه
دا الكرم للأصل نعمه
يحلى بيها نعيم وجاه
والطلل للكبر آخره
مهما كان مين معاه
الكل من طين وتسعه
والعز من رب فى علاه
وصى كل رسول ومله
وصل من طالت يداه
والقريب أشد حرمه
لو نهيت وصلك معاه
يلا نبقى عيله واحده
لقمة واحدة لكل فاه
والجسد نكسيه بهدمه
محنه فى الآخر عراه
ننسى كره وأى قسوة
ندي للكون صفاه
......وائل السعيد......
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.