بتسالني ..
...............
بتساليني عن حالي
بنبره بريئه مظلومه
وغدر لامحه في عينيكي
وايد لمستها مسمومه
ارد واقول انا كويس
وروحي كسيره مهزومه
ااقول انا حالي عال العال
وبسمه وشي مرسومه
ودمعه في عيني اخبيها
وآهه في صدري مكتومه
باداري الحزن جوايا
ونبضة قلبي محمومه
وايامي ما بتعديش
وليل انفاسه مهمومه
هجرتيني بدون اسباب
وقولتي قسمه مقسومه
وسيبتي ف قلبي جرح كبير
وقولتي نهايه محتومه
بتساليني عامل ايه
وعامله فيها مظلومه
وانا بقولك انا نسيتك
وحبك ذكری مشؤومه
عصام أمام
23/9
2017
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.