التذكرة للقدس بكام
عايز أصيف فوق في الجنه
الشهر ده فيه الحر تمام
يعني كتير ترتاح أبدانا
وجع الصمت لشعب يتابع
من حكام الفرز الرابع
هات لي تاريخ الامة وراجع
تلقي الشجب وكله كلام
فاضل ايه نتباكا ونبكي
حتي الاقصي ماحركوش
حجر الاقصي يانخوه بيشكي
لسه الماضي ماعلمكوش
درس عراقي ودرس في سوريا
غير مجاميع الخرط في ليبيا
حاولوا لسينا يكون لها كونيا (ولاية سينا)
لسه ياعالم مافهمتوش
لم شتات القلب وجمع
خلي الجسم العربي يفوق
بغداد سوريا في كتب المجمع
زي القدس في جسمى حروق
قطع/ قسم /خد دي وهات
اهو عيشنا في المتاهات
حافظ بينا علي المسافات
واصرخ حدي ياناس مسروق
وطنك وطني عرضك عرضى
كل اللي يمسك يوجعنى
قدسك قدسى وارضك ارضى
واللي يخونك خنى وباعنى
وحد صف الحق بكلمة
شيل من فوق الشمس الضلمة
اوعى تقولي سلام ومسالمه
شد سلاح وتعالي اتبعنى
التذكرة للقدس بكام
#عايز_اصيف_انا_في_الجنه
#عادل_عوف
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.