انا برسم وخطى
هوا اللى راسمني
وبكتب حرف كاتبنى
بعين شايف وشايفانى
وضحكه هيا ضحكانى
ونغمه حزينه سمعانى
بغنى وهيا تغنينى
بيوت شعرى بتشعرنى
وبقرأها بتقرأنى
وبغلط قوم تصححلى
انا مكتوب بتقرانى
انا شاعر بأشعارى
واشعارى بتشعرلى
انا مكتوب بمكتوبي
وحتى حروفى من توبي
وشفت وهما شافوني
لمحت هما لمحوني
كتبت وهما كتبوني
وابياتى باتولي
وبيت ورا بيت
بقيت فى الغيط
انا تايه فاسمحوني
كتبت الشعر وكتبني
رسمت الخط راسمني
باصص بعيون بصالي
نغمتى هيا سمعانى
وحتى الضحكه جوا القلب
طلعت عليا ضحكالي
نقول تاني
وتهت فى سكه تايها فيا
مرضت ومرضي مرض بيا
وخد.مني انا ترياق
عشان يعفى يوم مني
وحتى نومي نام مني
اهو يرتاح بقى مني
وقولت جراحي مجروحه
وهمي شال جبال هموم
وحتى صبري نفد صبره
وكلي خلاص تعب مني
انا بكتب فى اشعاري
كمان اشعاري بتكتبنى
انا بضحك وضحكاتى
بقت هيا بتضحكني
الشاعر يسري خليفة
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.