قصيدة بعنوان(ياضمير)
بقلم الشاعر(عرفات الامير)
مصر قنا المراشدة /٢٠١٧/٦/٨
===============
سرك ف بير ياضمير
والبير قعره غويط
اكدب ودلس يومينك
وقول هاتعدي بخير
سرك ف بير ياضمير
بتشوف الغلط بعينك
وبتعمل ماتشوفش
الناس بتنهب وتجري
وانت ماتسألش
بتقول وانا مالي امال لمين
ماهو بكرا خيرها لعيالك المساكين
مات الضمير واعدل ف تفكيرك
مات الضمير ياوطن
الله يكون ف عونك
مات الضمير ياوطن
والدفنة ف ترابك
خانك سنين ياوطن
وبتقلي احبابك
ماصادفت واحد امين
وبتقلي دي ولادك
خانوا السنين ياوطن
وكلهم ناكرين
حتي عيشك وملحك
كأنه يوم ماكان
مات الضمير ياوطن
وشمتوا فينا العزال
وبعد اللي شفته بعينك
بتقلي احبابك
عاوزين يعبو ف كروشهم
المال بالزوفة
ولما تطلب مساعدة
تصعب عليهم قروشهم
والإيد مكتوفة
ويعملوا مش سامعين
سرك ف بير ياضمير
والبير غويط
عشت علي ارضها
بتنعم ف خيرها
حوليك ولادك يلعبوا
ياناكري خيرها
والفرحة مالية عنيها
لفرحة ولادك
مات الضمير ياوطن
وبتقلي ولادك
النيل دا ياما دواهم
وسماها غطتهم
وكنت دايما ياوطن
بتعيدها وتزيدها
ان ربك عليهم
يتم نعمتها والستر يحضنها
جات الفرصة اللي لازم
ادينا نمدلها
لازم نعمر ارضها
لازم نخضرها
ايدك وقلبك معاي
ان كنت ناوي
وبكرا ولادك يكملوا
لو ع العمار ناوي
دا مين غيرنا وقت الشدة
هايشيلها ويسترها
وبالعزيمة يجملها يزهرها
دي مترتبة خطاوي
وربك يجملها
دي بلدنا حتة م الجنة
ربك مقدرها
وقال رجالها جنودي
يحمولي كدا خيرها
دا خيرها لناسها
لازم نقدرها
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.