قصيدة بعنوان(العقل)
بقلم الشاعر(عرفات الامير)
مصر قنا المراشدة/١/٦/٢٠١٧
============
العقل فكر وضحك
علي قرار أخده وخاب
لا هو موجود ف الكتاب
ولا يرد في يوم عتاب
ولو سألت كل الصحاب
هايقولولك عقلك معيب
لو علي عقلنا رجع وعاب
والنفس متابعة الحكاية
وشمتانة ف دا مصير
وعملت ألف رواية
وشهدت معاها العنيين
ومعاها الإيدين
زي العواطف ف القلوب
زي الحنين
وقالت للي حضر
العقل خلاص اتشطر
حتتين
مابقاش خلاص عارف الصواب
ان كان صواب زي الكتاب
اللي انكتب
ولا خطأ ولا يكون
تنفيذ قراره
فيه منه حرف كدا انشطب
كان قصده يكتب
هو نصيب
صارت نصب
يبقي العتب
ع اللي كتب ولا انكتب
ولا تكون الرؤية كانت
يوم ضباب
العقل فكر وضحك
علي قرار اخده وخاب
وقال وصية من ذهب
إياك تغرك النباهة
او شكل الورود الاحمرا
ياما الورود بتغطي شوك
وبيغيب الرؤية الضباب
والحل بيكون تايه
بين سطور المسألة
العقل فكر وقرر
يظبط قواعد المسألة
ولجل مانمحي كلمة عتب
وضع وصايا من ذهب
إياك قرارك يكون
عند الغضب
أو تستعظم العجب
من غير سبب
او تفصل القضاء
عن القدر
أو يغرك طول الامل
او تقول مصيبتي
فوق المحتمل
واعلم بأن الدنيا
صايرة الي العدم
والأمر يعظمه المصاب
ان كان العتاب قبل العتب
العقل فكر وضحك
علي قرار اخده وخاب
===========
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.