خواطر : ( تلفوني رن ) بقلم محمد عباس

 خواطر بعنوان : ( تليفونى رن )

تليفونى رن

قلت مين ؟

قال حبيبك من سنين

قلت مين ؟

قال طبيبك م الآنين

قلت مين ؟

قالى وغايب عن العين

قلت مين ؟

قالى من زمان والصعب لين

قلت مين ؟

قال بقابلك بشوق وحنين.

قلت مين ؟

ياما خدتك بالاحضان

برضه مين ؟

معاك بوش ووراك سكين

قلت مين ؟

بجيب فى سيرتك من سنين

قلت مين؟

قالى ناى ولحنه حزين .

قلت عرفتك !

قلت عنى كلام كتير

قلت لى سرك فى بير

حتى الطيور منى تغير

وصبحت ادعى عليك بضمير

فرقت بينى وبين سمير

سمير ده حبي والحنين

عارف هو يبقى مين

احلى زهرة فى عمرى سين

سين ده رمز اصبح انين

م النهاردة لغيت حسابى

ولاعايز صاد ولاحتى سين

بخاف حد يدق بابى

الشك بقى عندى يقين

والحلم بقى عندى سجين

حتى قلبى صبح مسكين

حتى دموعى بقوا محبوسين

ولا فى لا قلب ولاحتى عين

عايشين فى زمن المجروحين

عايشين فى عصف الخداعين

عايشين فى مكر الطماعين

بدون دموع والجانى مين

!؟؟؟!!!!!!!!!!؟؟؟!!!!!!!!!!؟؟؟؟

بقلم محمد عباس

الاسماعيليه مصر

عرض الرؤى

معدل وصول المنشور: ٩

٣سماح الحنفي، دنيا سعد وشخص آخر

٦ تعليقات

أعجبني

تعليق